الحب عند البنات .. يسير بسياسة الباب الموراب !!!

الكلمات الأكثر تداولاً عند البنات !!!



الحب عند البنات .. يسير وفقا لسياسة الباب الموارب .. بمعنى أصح .. لا بيرحموا ولا بيسيبوا رحمة ربنا تنزل!


أنا بأحبك وبأموت فيك.. انت الوحيد اللى قدر يفهمنى من أول مرة.. عارف أنا لو فكرت أتجوز بعد الشر.. بعد الشر.. يعنى أكيد

هأتجوزك .. بس بجد احنا أصحاب.


الكام كلمة دول هما الكلمات الاكثر تداولاً لدى البنات وهما طريقهم وملخص لاسلوبهم فى التلاعب علينا يا ولاد يا مساكين قدام كيدهن

العظيم ، تلاقى البنت من دول من أول مرة تشوفك فيها وأسلوب كلامها يتغير وتبدأ تقرب منك ولو اتشديت ليها أكيد انت كمان حتقرب لها

وبمجرد ما تقرب انت منها تبدأ هى ترسم خط بينكم أو شعرة بتسيبها دايما بين انكم تكونوا أصحاب أو بتحبوا بعض هى بتكون خايفة انها

تحبك وانت ما تحبهاش فعشان ما تطلعش ضعيفة أو يكون الحب من طرف واحد بتقوم تظهر وكأنها صديقتك وليست حبيبتك ، تبقوا مع

بعض فى الجامعة وقاعدين بتتكلموا فى أى حاجة وفجأة تسييبك وتقعد تتكلم مع أى حد من أصحابها التانيين ولما تيجى تعاتبها ترد علك

بكل سذاجة : فيه ايه .. انت بتغير على ؟!"

وكأنها لا تسأل بل تتعجب وكأنها تقول " فوق يا أحمد احنا أصحاب " وتبدأ انت بالتعامل مع الموقف على هذا الاساس وتنحى مشاعر

الحب جانبا وتبدأ تتعامل معها على أنها صاحبتك لغاية ما تفوق تحبك ولو حصل وشافتك واقف مع بنت بتتكلم معاها فترة طويلة أو

اتخانقت مع ولد عشان بنت تانية تقوم تقولك وهى بتزعق " انت سايبنى واقفة هنا وعمال تتخانق وتتسرمح مع البنات " تقوم ترد عليها

بكل سذاجة " ايه .. انت بتغيرى عليا ولا ايه؟! " ويعود الشد والجذب ولما تحس ان الشعرة اللى بينكم بدأت تكبر تقوم ترفعها وتقرب

تقطعها وتقولك لو سمحت ما تكلمش فلانة أصلى مش بأستريح لها خالص ولا فلانة عشان مسهوكة زيادة عن اللزوم ولا فلانة ولا فلانة

ولا فلانة.. لتطول مقصلتها رقاب كل البنات اللى على موبايلك لتعود وتسألها " ايه انت بتغيرى ؟"


وكرد فعل لهذه الخية المفاجئة منها والغيرة المفاجئة برضه تبدأ انت تحن وتقرب منها أكثر.. وتخفف كلامك مع الناس اللى هى بتكرههم

وبعدين يا أخى فجأة وبدون سابق انذار تيجى تقوللك " على فكرة يا أحمد أنا كنت عاوزة أقولك على حاجة مهمة أنا فى واحد حبيته وبما

اننا أصحاب كان لازم أنت اول واحد يعرف" تمالك أعصابك وما تسبلهاش عادى هى دى البنات وأكثر من كده ، الطبيعى والمفروض انك

تقولها " بصراحة أنا ما كنتش مصدق اننا متوافقين بالشكل الغريب ده.. أنا كمان فيه واحدة بأحبها وكان لازم تكونى أول واحدة تعرف"

نصيحة اختار احدى الفلانات التى اشتكت منها ولتكن أول فلانة فى قائمة الممنوعات وعلى ضمانتى ستقطع الشعرة وتحرقها.

:
شـكــ وبارك الله فيك ـــرا لك ... لك مني أجمل تحية . ::الموضوع حلو بس البنات مش وحشة اوى كدة: و شكرا

miezo pt

يسلموووووووووووو

على هذا الموووضوع ,,

بكذا بنكون انتصرنا على السحااااالي

سلمت ودمت بروعتك

تحياااااااااااااااااااتي

ميزو بت


كدة كتير


وبعدين مش كل البنات كدة

جومانا

شكرا على المروور انا عارف ان البنات مش كلهم كدة طبعا


بس المقالة دى عشان فى حرب شغالة فى المنتدى بين التماسيح _ياساتر__
وبين السحالى _ياااااااااااااى_

وطبعا طبعا احنا اللى هنكسب

مع بالغ تقديرى واحترامى

فهووووووووود

طبعا طبعا هو انت كان عندك شك اننا هنكسب ولا ايه

طبعا مفيش شك

تحياتى

سراااااااب


تصدقى ان دى واقع فعلا

وبعدين طبعا احنا انتصرنا وهنفضل منتصريييين للابد

مع بالغ تقديرى واحترامى

رودى


انا عارف ان مش كل البنات كدة

دى حقيقة

طبعا فى 20% منهم مش كدة
هههههههههه

مع تحياتى