كيك وعسل

كيك وعسل

شاعر المليون : محمد بن فطيس المري

http://www.stooop.com/2007/3/59d2471509.3gp




بعض العرب حبه يوردك الجنون
.................................... ولا يوصف له غلاه حكاك له

مايقنعه وصف الغلا لو وش يكون
.................................... لو كل حرف بالحرير يحاك له

الموت جاك وهو تقلبه الظنون
.................................... ولا لك الا الصبر وش وداك له

ان قلت ضايق قال هونها تهون
.................................... يدري ان ضيقتك له وبكاك له

تقعد تحبه وانت ساكت ومغبون
.................................... كن بيوم يقال له مااوفاك له

وكانك مشكك هو يمون او ما يمون
.................................... تخيل ان عفت الصبر فرقاك له

غلاه وهو فوق الغلا ماهوب دون
.................................... وحكاه سمعك يجبرك بارخاك له

ودك تحطه في العيون من العيون
.................................... وتبسط على رمضا الثرى يمناك له

وتظله من الشمس في ظل الجفون
.................................... ولا يمر اذنه سوى لباك له

وتسج من غيره لو انهم يذكرون
.................................... ومنين ماسجت القدم ممشاك له

غرو يميله الترف ميل الغصون
.................................... غصن ليان ومكرمه باسقاك له

جديله الى اقفى ستر منه المتون
.................................... كني بريحه لاألتفت لأدعاك له

كيك وعسل لكن ماهو في صحون
.................................... ودعا ك من عين الحسود غطاك له

الله لايعطيه ناس ينضلون
.................................... ويستر علية من النحل لا ياكله

الوصف والتعبير في وصفه يخون
.................................... غير اطلب الله يستجيب دعاك له

وعذال قلبك في محبته يهبون
.................................... سكينهم عن قطع حبله حاكله

ناس عن اعراض العرب مايعرضون
.................................... ودايم على نفس الشكل والشاكله

اللي من لحوم الاوادم ياكلون
.................................... وحلوقهم دفع البلا متواكله

في سلمهم اولى بالاكل الاقربون
........................................ واطيبهم اللي صيدته شكواك له

عازمهم الشيطان للذنب ويجون
.................................... هذا يقطع له وذاك يواكله

ياجعلهم فدوة ثرا الغض الفتون
.................................... اللي على الدرب الطويل خطاك له

طيفه الى نام البشر زارك بهون
.................................... وطيفك الى نام البشر سراك له

حبه دفان ومقبرة خضر الطعون
.................................... بين العظام العوج كنك ناكله

اللي كذا.. حبه لو تموت مغبون
.................................... ولا لك الا الصبر وش وداك له

ذكرتيني بشاعر الملييوون ..,’

صح لسانج ج ولسان بن فطيس ..,’

وتسلم ايدج ج على القصيده الروؤوؤعـــه .. ,’

ولا هنتي .. ,’

كيك وعسل !!

من العنوان اعتقدت أنه وصفة ،،، وتذكرت بعد أنه " فيه شي أسمه عسل ما آكل منه من زمان مادري ليش ! " < < <

،،،

تسلمين الفجر المنتظر على الشعر البدوي ..



وتعجبني هكذا قصائد عند سماعها مع الإلقاء بصوت الشاعر نفسه ..

شكراً لكِ ..

بنت عز

شاكرة لك عزيزتي


وكانت ايامهم حلوة .,

سعود


مااجمل حضورك


شاكرة لك

لون المطر


وجودك اسعدني .,


أحد ينسى يااكل عسل .,

ضحكتيني ..

شاكرة لك وجودك

قصيــده بغايه الروعه بكل ما تحمله من معاني

وأختيار أجملــ من صاحبة ذوق لايعلى عليها

تحيــآتي لكــ

خواطر


شاكرة لك وجودك الكريم .,

مع فائق ودي .,

قصيده رووووووووووووووعه مش غريب علي شاعر مثل ابن فطيس يصف ابيات بروعه هاذي



شكرا علي نقل الرااائع والمبدع