خـيـر .... ياطـير

نعود بقصيده لشاعره نادره اسما وفعلا...
النساء وشعرهم لهم مكان في نقلنا
وفي حياتنا .... وفي حبنا بالتأكيد.!



خير يا طير
===========
الشاعره // النادره




يا صاحبي ما عاد فيها معاذير

* النفس طابت والمفارق نويته

يكفي الم يكفي دموع وتحاسير

* يكفي بوسط الجوف جرحى خفيته

بشوم عن دنياك واواصل السير

* وباخذ معي قلبٍ بصدك جفيته

ما عاد لك فالقلب حشمه وتقدير

* من بعد هرج في قفايه حكيته

الوضع مزري ما يبي زود تفكير

* من باعني برخيص لا ما شريته

من صغر سني وانا في منهجي غير

* تكوين خلقي نادر ما لقيته

اطمح على الأول ولا اطيق الاخير

* وابرز نجاحي في طريق مشيته

قول وفعل ماهو كلام التعابير

* واكبر دليل انك لشعري هويته

كونت من قافي حشود وجماهير

* واسمي تعلا في المعالي بصيته

لا انت ولا غيرك له اليوم تأثير

* فوق السحب عالي شموخي بنيته

ما عزني جمع الذهب والدنانير

* راسي عزيز وكل رجمٍ رقيته

دونت كل اللي مضالي بتقرير

* وياللاسف اليوم تو ما قريته

ما عاد باقي للجفاء أي تبرير

* والحب من قاموس فكري لغيته

برحل واخلي عيشةٍ ما بها خير

* واقولها للكل خلي نسيته

وان اسألوني قلت انا خير يا طير

* بعته مثل ما باع قلبٍ عطيته

كلمات جميله
شـكــ وبارك الله فيك ـــرا ...

العفو اخوي
وماقصرت

مشكووووووووووووووووووووووووووووووووووووووووووووووو ووووووور

اخووووووي .. وبصرااحه كلماات مبدعه ورائعه .. يعطيك ربي العافيه .. وماقصرت يالغالي ..

وتسلم ايدك ..

الوضع مزري ما يبي زود تفكير

* من باعني برخيص لا ما شريته

كـــــــــــلام من ذهـــــــــــــب



يعطيك العافيه اخووي رشيد ..

كلمات جميله واختيار اجمل احييك على النقل الجميل