فرصه وكانت بيدك.

لا وربي لا حشى ماقلتلك مع السلامه
أبعدي يابنت عني روحي الله لايردك
*************************
من متى مثلي تنازل يبدي لمثلك ملامه
والله أن قلبي وأعرفه مادرى عن جد جدك
*************************
عادتي والله خطا غيري أرده بأبتسامه
لكن أنتي ماسكتي ولا وقفتي عند حدك
*************************
أسمعي من صدري المكبوت وأستلمي كلامه
صدري اللي كم شكيتي له غرابيل تهدك
*************************
صدقيني يوم صديتي عن القلب ومرامه
ضعتي وضيعتي فرصة" كانت بيدك
*************************
الغرور أكره طريقه وأرفض أسمه وأتهامه
لاكن أنتي مو كفو للي يحترم رايك وردك
*************************
تذكرين شلون كنتي غاية القلب ومرامه
ومنهو بس اللي يتجرا أو يصير بيوم ندك
*************************
والقصايد في لقانا ترسم الحب وهيامه
ومنيتك لو تسمعي بيتين من شعري تسدك
*************************
كان طبعك في حضورك يفرض بقلبي إحترامه
وكان أسلوبي وطبعي وكل تفكيري يسدك
*************************
الغريب إنك ملكتي كل فكري وإهتمامه
وكنتي أول أولوياتي وقبل أهلي أعدك
*************************
يوم كنتي عايشه وياي في عز وكرامه
وخلي كذبك ينفعك يوم ضيعتي بردك
*************************
أنتي الظاهر تبين اللي يبادلك اللئامه
واحد يضحك عليك ومن بعدها يستبدك
*************************
واحد مايملك بقلبه رجوله أو شهامه
كل همه حاجة لامن قضى منها يهدك
*************************
أذكري سلمان إذا عضيتي أبهامك ندامه
وأذكريني زين لاسالت دموعك فوق خدك
*************************
وأخذي وقتك وأبحثي في وسط هالكون وزحامه
والله ماعمرك تلاقي شخص بأخلاصي يودك
*************************
أسمعي الزبده ولا واحد نبي يكثر كلامه
وأنتي روحي جربي غيري وشوفي اللي يودك
*************************
بس قولي لا بكيت وأنحرمتي الإبتسامه
قالها سلمان من أول ( فرصه وكانت بيدك ) . . !
*************************

مـ نـ قـ ـول