][ من حضرتك عشان قلبي تذله ][

مابيني وبينك مشاريه وعتاب
شف دربك الي جيت منه تدله


ماراح تغلبني لو الحب غلاب
من حضرتك عشان قلبي تذله


في ذمتي لجعلك عبره للاحباب
لين الخل يتوب عن جرح خله



زلاتك الي مانفع فيها احساب
لاجيت اعددهن ثمانين زله


احرجتني بين القرايب والاحباب
كن الجفا سيف بوجهي تسله


ماكنت اقصر فيك من كثر الاعجاب
يومك تساوي عندي الكون كله

كنت القريب وكلهم كانوا اغراب
حتى القمر لاغاب شفتك محله


خلاص لاترجع ترا خاطري طاب
مابي طارى اللي كنت عايش بظله



رح واعتبرني واحد اذنب وتاب
ماني بثوب تلبـــسه ثم تــــــــمله


مايجتمع بالحب صادق وكذاب
رزقي على الله وانتى رزقك على الله


اخوكم ابو رغـــــــــد

السلام عليكم ورحمة الله وبركاته
يعطيك العافيه اخوي ابو رغد
الله الله الله على هل الكلام والله ما قصرت
زلاتك الي مانفع فيها احساب
لاجيت اعددهن ثمانين زله
والله يمكنها اكثر بعد
اريد بعد اكثر ابو رغد تراني من فوق واقع هههههههههههههههه
دوم طيب وتكتب ان شاء الله اخوك تراني المعذب

ماراح تغلبني لو الحب غلاب
من حضرتك عشان قلبي تذله

روووووووووووعه اخووووي ابو رغد .

والله لايحرمنا منك ولا من ابداعك يارب ..

ابو رغد تسلم ايدك كلام فى منتهى الرقه والبساطه

احييك كمان مره