قلطه على التلفون !! جناااان

البشر في الاتصالات يخطوون

يخطون واخطي ..عذرنا هاتف فلان

ومن عادتي ما اهتم بالي يقولون

من غلط في رقمي لقى الرد غلطان

الين جاء في يوم دق التلفون

دق الرقم لقيته اشكال والوان

فتحت جوالي ابعرف من يكوون

سمعت صوتن فيه بحه وفتان



قالت لي انت سعود ..قلت ايه بالعون

لعيونك اسمي سعود لو كنت ضيدان

قالت اظني مخطيه قلت وشلون

قلبي توقف مانبض فيه شريان

بالهون يا بنت الاجاويد بالهون

من عادة الانسان يرتاح لانسان

تسمعي يابنت وابليس ملعون

اخذي كلام مصدره صدق وجدان


مانيب قايلك انا انسان مزيون

اطرق ولا له شبه بانس او جان

انا محمد وافي الهرج موزون

اوزن كلامي قبل اقوله بميزان

وانا الذي لاحب لايمكن يخون

مخلص مادامه حي ..ويموت ماخان

وانا اذا حبيت حبيت بجنون

حبي يفجر داخلي الف بركان

وانا الذي ماطرد ورا من يقفون

من صد عني عمد..بجزيه حقران

هذي وصوفي واكثر الناس يشرون

وانتي عليك اليوم تقدير الاثمان


قالت اشوفك قمت يا محمد تمون

تضحك وضحكتها تقاسيم فنان

قلت الميانه .. ماهي بضحكة سنون

احيان ماتلقينها بين الاخوان

ترى الميانه شي واضح ومضمون

اذا اجتمع شخصين في قلب ولسان

قالت : كلامك وافي يا ابن خلدون

احيان احس ان جلستك بين شيبان

يامحمد ..اسمع كلمة البنت ميسون

اسلوبك ووقتك مضت دونها ازمان

هذا زمن قدواته افلام كرتون

وهذا زمن رجاله اجسادوابدان

قالت ..وغنت لي على وقتي لحوون

قلت..اسكتي من بعد ماخاطري شان

انا ادري ان الوقت من دون في دون

لكن في امان الله وانسى .. الذي كان

قلته وانا صامل وهي عندها اذون

لكنها ماصدقت سمع الاذان

ضاقت ..وخلق الله دايم يضيقون

وانا قفلت الخط ضايق وزعلان

ونسيت والاجواد في وقت ينسون

ماسمي الانسان الا بنسيان


المشكله بنات حوا مايسلون

دقت علي وانا له شبه شفقان

قبل اتكلم قالت اسمع ولاتهوون

اسمي مهو ميسون حان الصدق حان

الاسم عمشاء واخر الجد مصيون

مهره ولا طوعت بلجام وعنان

قلت ارحبي مليون تضرب بمليون

اقولها مليون من قلب ولسان

قلت ارحبي في العين ولحافك جفون

وظلالك من الشمس باهداب الاعيان

ياعين حر بالمطاليع مفتون

حر شراه مولع الصيد طربااان




ارجو ان تنال اعجابكم وتحياتي لللجميع بدون استثنااااااااااء

اخوكم فزاااااع

أكاد اجزم أخي فزاع اني تفاعلت مع كل جزء من أطراف هذه العبارات النقيه بنقاء فكرك وسموه

كانت هذه المحاوره على التلفون تشد الانتباه ولا انكر اني قرائتها عدة مرات 0

أخي فزاع كم يزيد اعجابي كل مره بعد ان تتحفنا بهذه المشاركات راجيه من الله لك كل التوفيق


وانتظر جديدك0

وانا الذي لاحب لايمكن يخون

مخلص مادامه حي ..ويموت ماخان

صح لسانك أخوي فزاااع يعطيك العافيه . ودامت لنا هذه العاطرات لتفوح بالمنتدى .

الاخت : خلـــــود

ان كان للابداع مكان او لغه فأنني اجدهـ بين روائع ماتكتبين .. وما نقلته لكم ليس الا نقطة في بحر ابداعاتكمـ

اشكركـ لمروركـ الذي يزيدني اصرارا على الابداع ..

ولكي مني كل الود والاحترامـ

صح بدنكـ اخووي منادي ..

وشكرا لمروركـ الكريمـ .. واتمنى من كل قلبي ان تكوون هذه المشاركه قد نالت اعجابكـ

ولكـ وافر الشكر

[all1=FFCCFF]

الاخت ولاء شكرا على هذا المرور الكريمـ

اتمنى من صاادق القلب ان تكوون هذهـ المشاركه حاازت على اعجابكـ

تقبلي صاادق الامنيات بأيامـ سعيدهـ دائما؛؛

مشكووور فزاع على الموضوووع

ويعطيك الف عافيه

وعسااااك على القوووه

تسلم فزاع

يعطيك العافية

منتظرين جديدك

تقبل مرورى

السلام عليكم ورحمة الله وبركاته...........!!!
صباحك نرجس وعنبر ***صباحك أحلى من السكر***صباح العطر والكادي***صباحك مسك ومبخر***
أحييك أخي (فزاع) أولا / أشكرك على هذه الكلمات الأكثر من رائعة والإبداع المُميِّز .
شكرا لك مرة أخرى.
والسلام عليكم ورحمة الله وبركاته .
أخوك : مبهدلهم بقدي تحياتي لك أخوي : (فزاع).

**********