طباعة ورق ,’

طباعة ورق ..,



أبكتبك على أوراقي
واصحح فيها أخطائك

ظلمت الحبر بوقت الطباعه
وصار ينزف أكثر عن العادة

وزادت علته علة لما جيت تتسامح
وطلبته يعيد أوراقه

جلس يبكي ومسح بيده احزانه
جلس يذكر ويذكر طعونك

لكنك طلبت منه ينسى اللي فات
ويفتح صفحة ٌ أولى

كنك تقول له أحذف كتابك
وأبدأ معي قصة
عذاب وشوق من
بدايتها .,’أحبك
ونهايتها .,’ روح انا احبك
بس مقدر اعيش في أوساطك
...

تسطر فيه سطور
وهو مندفن من بين زلاتك

تعب يدور على
خط يناسب
فيها مزاجك

لكن قدر يحصل على اكبر حجم يودع فيها رغباتك

عرف في وقتها إنك تقدس فيها كلماتك
وتحسب أن كلامك هو بس من ينوخذ به..!

ما تفتكر أن للكل مشاعر وإحساس مثل ما هو لكتابك

تعب هو من كثر ما مسح جروحك
بس بقى على نهايات ذكرياتك ..,

يبي يختم صفحاته

لكنك تجي با آخر اللحظات وتقول

أبيك يا كتابي ترجع لأحضاني ..

تعتقد ان الحبر جف وقادر يكمل خطواته .,,



طباعات

الفجر المنتظر


.........



أول مرة أكتب فيها بالعامية هنا .,
اتمنى ألقى فيها تعليقاتكم



...

الله يا فجورة استخدمتي فكرة الطباعة على الورق حلوة

ماشاء الله عليك عيني عليك باااااااااااردة

طالبك بطلبة أنك تكتبي لنا وحدة ثانية هم بالعامية

لك أرق و أحلى التحايا

دمت بــــــود يالغلا

السلام عليكم

يعطيكي العافية اختي الفجر المنتظر

والحقيقة محاوله اكثر من جيده ولكن ينقصها بعض الاشياء مثل افتقادها للحس الموسيقي
وتحتاج الى تنقيح وترتيب .
اما بالنسبة للفكره فهي فكره رائعه جدا ويعطيكي العافية مره اخرى

ارجو تقبل انتقادي بصدر رحب

وبالتوفيق



حيث ان شعاري لا للمجامله




وسلام ياصاح




البحر

البحر ..


ومنكم نستفيد أخي .,