شروط بنت عراقيه تبي تتزوج

مواصفات العريس اللي تتمناه كل عروسة عراقية
حلم بس بلكي يتحقق0

أني بنت عراقية
صبية جميلة بغدادية
حلوة ؟ أكيد حلوة
لأن ماكو عراقية ما تملي القلب والعين
أحلم مثل كل البنات
لا مو مثل كل البنات لأن أني عراقية
والعراقية ما تشبه أي بنات
أحلم بعريس زين يحمل هواية صفات
هي صفات بسيطة
بس كلش مهمة الي كعراقية
بأختصار أني عروس ألها شروط ومتطلبات
وأعتقد أنو مو هواية عليه
لأن أني عراقية
أحلم بعريس يحبني أكثر من كل البنات
وأكثر حتى من حوريات السماوات
أحلم بعريس مثقف أنيق
مو لابس بجامة ونعال ومتطوع بالمليشيات
أحلم بعريس ما ينتمي لأي حزب أو هيئة أو تيار
أريده ينتمي بس لأرض العراق
أحلم بعريس مدرس ، مهندس ، عامل
بس ما أريده بعد دكتور نفاق
أحلم بأديب ، شاعر ، كاتب
بس لا يكتب عن الديمقراطية والأنتخابات
ولا يكتب قصايد عن الأحزاب والفدرالية
أريد بيت على شواطىء الأعظمية
والذهب من سوق الكاظمية
أريد بحنة البصرة أنقش أيديه
وبخلاخل الموصل أزين رجليه
أريد عريس أهله من المذهبين
وأصدقائه أكراد وجيرانه مسيحيين
وهمينة صُبة وتركمان
أريد بعرسي تدبك فرقة العلم
ويغني حاتم الأسمر الزين
وبعد أحسن لو وياهم لندا جورج شحرورة الكلدوآشوريين
أريد عريس يلبس بالعرس قاط وأحلى رباط
ولا يكلي الرباط مو عادتنا
لأن أني عروسة عراقية مو فارسية
يلبس دشداشة همينة ميخالف
بس لا يكصرها عبالك ده ينافس صبايا لبنان
لأن أني عروسة عراقية
أريد أني البس فستان أبيض جميل
وأنثر شعري الطويل
ولا يكلي حجاب وحرام
لأن أني عروسة عراقية مو أفغانية
أريد عرسي يكون عرس عراقي مغنى وهلاهل وفرح
ولا يعزل الجنسين ويكول عرس وزفة شرعية
لأن أني عروسة عراقية مو عروسة بدوية أردنية
أريد شهر عسل بجبال دهوك والسليمانية
بس لا يفرشولي سجادة حمرة
ويستقبلوني بحرس وفرقة وأستعراض
لأن أني مثلهم عراقية
أقصد همه مثلنا عراقيين
أتمنى الله يرزقني بأولاد وبنات حلويين
من يسألوني : يمه أحنا شيعة لو سنة
أضربهم على حلكهم وأكوللهم:
أنجبوا أنتو عراقيين وبس
العفو ، نسيت .. أحنا ببلد ديمقرطي
العنف والضرب ضد القوانين
راح أحضنهم بحب وحنان وأكوللهم
أكسكيوزمي ماي جلدرن
أنتو عراقيين وبس .. وهذا هو المهم
وصدكوني هذا حلم كل بنت عراقية

منقول

الله عليك احمد
تسلم ايديك
واعتقد ان دة حلم كل البنات مش بس العراقيات
تقبل مرورى
mai

السلام عليكم ورحمة الله وبركاته
يسلمو يا مي يحفظك ربي ياغاليه

يسلمو انين الحزن ويحفظك ربي ياغالي